Benvida a Foros Técnicos R - 3ollosR

soporte técnico R : 3ollosR

Benvida a Foros Técnicos R

  • Benvidos a este foro para falar de temas técnicos relacionados cos servizos R

    Tras o alias "soporte técnico" estamos un grupo de persoas con coñecementos técnicos e coas mesmas ganas de axudar e de dar un bo servizo que o resto dos que integran esta casa que é a vosa: R.

    A vocación do foro é converterse nun lugar onde poidades formular as cuestións técnicas que vos xurdan no uso dos servizos R e agardar que, ben nós coma moderadores ou ben outros foreiros experimentados, vos ofrezamos/ofrezan respostas axeitadas que a todos nos poidan resultar de utilidade. Diso se trata, de mellorar entre todos..

    Iso si, centrémonos, pois, en temas técnicos que poidan ser aproveitables para máis xente e non poñamos o foco en avarías puntuais ou accidentais. Neses casos lembrámosvos que o xeito máis rápido e cómodo para avisar dun problema ou avaría, sen ter que chamar ou esperar ó teléfono, é premer no botón "contacta con R" da nova web de clientes www.clientes.mundo-R.com.

    Tamén neste foro Iremos publicando fíos con trucos ou consellos sobre temas que consideremos interesantes e, por suposto, na medida das nosas posibilidades, aqueles que vós mesmos botedes en falta e que nos fagades chegar.

    Nada máis. Animádevos a participar respectando, por favor, as condicións de uso para que entre todos fagamos do foro unha ferramenta de verdadeira utilidade.

    Adiante, pois.

    publicado fai 3 anos por soporte técnico